Хөгжөөгүй технологи, хөгжсөн ухаан

Өнөөдрийн хувьд тийм ч аятайхан өдөр биш байлаа. Уул нь өглөө нэлээдгүй ажлыг амжуулья гэж бодсон маань ч талаар боллоо. Талаар боллоо ч гэждээ хөөрхий минь бас ч гэж хэд гурван ажил амжуулсан юм байна. Өдрийн халуун бас дээр нь гадуур гүйцэлдүүлэх ажил нэлээн байсныг ч хэлэх үү улаа эргэтэл алхлаа, халууцсан гэж жигтэйхэн. Төв хасбанк орж хүнтэй уулзах байсан ажлаа амжуулчихаад Театрын музей орлоо. :) ажлын хажуугаар дэмий сэлгүүцэв гэж ! Сайндаа ч орсонгүй сэрүүцэх санаатай сүүдэр бараадан СТӨ рүү дөхөх зуураа зүгээр сүүдэрт сууж сэрүүцсэнээс юм үзье сэрүүцье гэж бодоод театрын музей орсон хэрэг. Бас ч үгүй гоё музей юмаа. Хуучны зураг, хувьцас хунар эдэлж хэрэглэж байсан зүйлүүд бас дээр нь надад таалагдсан зүйлүүд бол кино урлагын талаар нэлээдгүй зүйлүүд байсан нь. зураг авч байсан камер, кадр, буулгасан хальс, киноны хэсгээс авсан зурагнууд үнэхээр сайхан. яаж тийм камераар кино хийж байсан байнаа. одоо ч кино гэдэг зүйлийг компьютерийн ард сууж байгаад хийчихнэ шүүдээ. аан тийн музей үзэх тасалбар 300 төгрөг байдаг юм байна. үзээд авахад илүүдэхгүй л юм байна лээ.

Pidgin-ийг Ubuntu 7.04 дээр суулгах

Gaim мэссэнжер Pidgin болж өөрчлөгдсөнийг мэдэж байгаа байх. Энэхүү юникод дэмжих мэссэнжерийг ubuntu7.04 доорх тушаалуудын дагуу суулгаж болно. Манай нөгөө гайхал ө,ү үсгүүд ямарч асуудалгүй шүү.

(Эхлээд хуучин ашиглаж байсан Gaim аа устгана)
$ sudo apt-get remove gaim
$ sudo apt-get build-dep gaim

(Pidgin2.0.0 татаж аваад суулгана.)
$ wget http://jaist.dl.sourceforge.net/sourceforge/pidgin/ pidgin-2.0.0.tar.bz2
$ tar jxvf pidgin-2.0.0.tar.bz2
$ cd pidgin-2.0.0/
$ ./configure
$ make
$ sudo make install

(Дараа нь мэдээж ажиллуулна даа. :-) )
$ pidgin &

tarbal дмааргүй байвал доорх хаягаас deb package-ийг татаж аваад суулгаарай.

http://www.getdeb.net/release.php?id=817

OpenOffice-д Netbeans ашиглан модуль нэмж бичих

OpenOffice дээр шинээр модуль нэмж бичихдээ Netbeans -г хэрхэн ашиглах талаар гүүгл ахаас юм асуулаа. Гүүгл ах ч бүгдийг мэдэх юмаа хэ хэ. Эхлээд нэтбийнс ( ямар эвгүй харагдаж байнаа монголоор бичсэн чинь) дээ org-openoffice-extensions.nbm плагин модуль суулгана. Мэдээж OpenOffice оо суулгана, дээр нь OpenOffice SDK г нэмж суулгана. за ингээд дуртай зүйлээ нэмж бичих бүрэн боломжтой болчихно доо. Илүү дэлгэрэнгүй мэдээллийг гүүгл ахын өгсөн вики холбоос дээр дараад үзээрэй

Амралтын өдрүүд

Амралтын өдрүүдийг зуслангийнхаа байшинг засварлах болон ногоо тарихад зориуллаа. Байшингийнхаа обойг нааж дуусгаад ногооныхоо талбай гишгэх(хөрсийг нь сэндийлэх) ажилд орлоо. түрүү жил ногоо тарьсан талбай болохоор энэ жил гишгэхэд амар байлаа. гэхдээ л түрүү жилээс хойш хүрз бариагүй болохоор гарт цэврүү үүсч байна шүү хэ хэ. манай зуслан эндээс нэлээд хол төмөр зам дагуу байрладаг тэгээд ихэнхдээ орон нутгийн воганоор явдаг. Воганаар явахад ч нэлээд хэцүү юм. Улаанбаатар хотоос зуслан хүрэхэд ч яахав нэг юм суудалтай явахын харин буцахад нэлээд хүндрэлтэй суудал олдохгүй дээрээс нь халуун гэж жигтэйхэн ядаж байхад цонхууд нээгдэхгүй нээгээд өгөөч гэхлээр үйлчлэгч нар нь онгойлгож өгөхгүйн. Энэ байдал амралтын өдрүүдэд байдаг бололтой. Ийм байдлыг мэдсээр байж яагаад амралтын өдрүүдэд воган нэмж болдоггүй юм бол гэж бодон үйлчлэгчээс асуухад "ЕР НЬ Л ИЙМ БАЙДАГ Ш ТЭЭ" гэж хээв нэг хариулж байх юм. Цаашид энэ талаар удирдлагуудад нь хэлмээр юм байна гэж бодлоо. За ингээд 2 цаг гүрийсний эцэст нэг хот орж ирлээ. амралтын өдрүүдийг нэг иймэрхүү л байдалтайгаар өнгөрөөх шив дээ.

Цай уух зуур

Цай уух зуураа Offishore Outsouring Best Practices http://www.oobp.org/ сайт орж мэдээлэл үзэж байгаад нэг пресентац үзлээ. Сонирхолтой бөгөөд мэдүүштэй бас бодууштай юм байна шүү. Жижиг ба Том бизнесийн харьцааг зургаар харуулжээ. Их сонирхолтой юмаа та доорх холбоосоос дэлгэрэнгүй үзээрэй.

http://www.oobp.org/

Өчигдөрийн бодол өнөөдөр

Өглөө эрт ажилдаа ирлээ. өнөөдөр нэлээн ажилтай өдөр тул эрт ирж ганц нэгэн юм харъя гэж бодлоо бас ханз цээжилж байгаа болохоор эртхэн босоод ганц нэгийг ч болтугай цээжлэе гэсэн хэрэг. Ажил руугаа алхаж ирлээ гадаа 本当にいい天気ですね。ганц нэгэн ханз үсэг харж явангаа өчигдөрийн МТҮП дээр болсон семинарын талаар бодлоо. Манай боловсролын системд учир дутагдалтай юм их байнаа. Өчигдөрийн семинар дээр ерөнхийдөө дээд боловсролын сургалтын чанар ба агуулгын талаар голчлон ярилаа. миний хувьд дээд боловсролын талаар анхааралгүй л яахав гэтэл дунд сургуулийн түвшинд манай улс бас нэлээдгүй зүйлийг хийх шаардлагатай гэж боддог. одоо орж байгаа Мэдээлэл зүй гэдэг хичээл хангалттай биш ордог гэж би хувьдаа ойлгодог. зааж байгаа зүйлийг харахад Майкрософт Опписийн програмуудыг хэрэглээ талаасаа л ордог бололтойн. Зааж байгаа нь File->Save　энэ бол файлыг хадгална гэх жишээний ингэж заах нь хаашаа ч юм бэ дээ, болж өгвөл сурах аргачилалын үндсэн суурь мэдлэг болон зөвхөн хэрэглээний програм хангамжийн тухай заах биш UML түүл(ганц ЮМЛ биш бусад хэрэгцээтэй түүлүүд олон байдаг) гэх мэт түүлүүдийг цаашид юунд, яаж ашиглаж үр дүнтэй зүйлүүдийг яаж хийх вэ? гэдэг тал дээр нэлээд сайн анхаарч заах хэрэгтэй юм шиг санагддаг. Бас нэг зүйлийг семинар дээр нэлээн ярьсан тэр нь мэргэжлийн индексийн тухай асуудал. Би ч энэ талаар нэг их юм өмнө нь сонсож байсангүй гэтэл асуулт хариулт болон боловсролын яамнаас нэг хүн ирсэн байсан тэр хүн их дээд сургуулиудын сургалтын агуулга чанар хариуцсан хүн гэсэн нэрийн хэн гэлээдээ мартчихжээ энэ хүний ярианаас харахад мэргэжлийн индекс өөрчилөлт оруулж байгаа гэнэ. Нэг мэргэжлийг жишээ болгон ярилаа тэр нь Номын сангийн автоматжуулалтын инженер гэнэ. Энэ мэргэжилээр одоо монголд хэдэн төгссөн бол гэсэн бодол шууд л орж ирсэн. За тэгээд энэ хүмүүс одоо монголдоо байгаа тоотой хэдэн номын сан болон бас сургуулиудын номын санг автоматжуулаад байж байдаг юм болуу? ер нь одоо хаана юу хийж байдаг юм бол гэсэн бодлууд төрлөө. энэ талаар асууя тодорхой тоо баримт байдаг юм болуу гээд илтгэлүүдийг дуусахыг хүлээж суулаа. бас дунд сургуулийн мэдээлэл зүйн боловсролын талаар санал хэлье гэж суутал УБИС-ийн КМС-ийн багш Чойжоо Ваанчиг гуай миний хэлье гэж дунд сургуулийн боловсролын талаар бодож байсан зүйлүүдийг хэлчихлээ. :)
За ингээд илтгэл дуусахыг хүлээж суутал утас дугарч ажлаас дуудлаа уул нь өөрийнхөө асуух зүйлдээ хариулт авья, саналаа хэлье гээд илтгэл дуусахыг хүлээж суусан минь талаар өнгөрөв. яаралтай ажилаа гэж. :) Аан тийн бас програм хангамжийг худалдаж авах тухай асуудал ярьж байсан энийг би нэг их шаардлагатай биш боддог. Бидэнд ашиглагдаж болохуйц нээлттэй эхүүд байна шүүдээ. Бид ер нь нээлттэй эх рүү бүрэн шилсэн ч болно шүүдээ. Мэдээж хэрэг гарцаагүй авах шаардлагатай зүйлүүдийг бол худалдаж авч л таараа мөн нээлттэй эх гэдэг ч бас бүрэн үнэгүй гэсэн үг бас биш шүү дээ. за ингээд түр өндөрлөе. уулзах хүн маань ирчихлээ ажилдаа :)

60 дөхсөн хүн юм хийгээд байхад би юу хийгээд байнаа гэсэн бодол аргагүй төрлөө.

60 шүргэж буй франц эр 2 охиндоо зул сарын баяраар зориулж вэб камер авч өгсөн бөгөөд Windows 2000 дээр таруухан ажиллаж, линукс дээр огт ажиллахгүй байжээ. Ингээд вэб камерийн драйвер бичиж эхэлсэн ба линуксд зориулсан 250 гаруй вэбкамернуудын драйверуудыг бичиж ажиллуулж чадсан байх юм. Гэтэл дөнгөж 50-н талыг насалж яваа би ер нь юу хийв, юу хийж байна гэсэн бодол өөрийн эрхгүй төрж байна шүү. Одоо биеэ жаахан за жаахан ч бишээ ер нь бүхий л боломжоороо дачилж ажилланаа. 60 дөхөж яваа тухай мэдээллийг доорх хаягаас үзээрэй

http://www.theinquirer.net/default.aspx?article=39291

эх сурваж: Миний орох дуртай сайт

http://www.limnux.org/node/245

GCC vs. Intel Comparison

Intel C++ 7.0, GNU gcc 3.2.1 харьцуулалтыг доорх холбоосоос хараарай.

http://www.coyotegulch.com/reviews/intel_comp/intel_gcc_bench2.html

Language comparision

perl,c#,c,php,jsp/java,python зэрэг програмчлалын хэлнүүдийн ерөнхий хариулалтуудыг доорх холбоосоос хараарай. Сурахад ямар, компайлдах хурд, синтаксийн гэх мэт харьцуулалтууд байна лээ.

http://www.s5h.net/code/comparison.php

www.gofish.com

Mиний бодлоор www.youtube.com ийн видеонууд үзэхэд хурдан ч чанар муутай юмшиг харин http://www.gofish.com/ үзэхэд тийм ч бас удаан биш харин видеонуудынх чанар сайн юм шиг. Орж үзээд мэднэ бизээ.

Бичиг баримт боловсруулалт

Бичиг баримт боловсруулалт түүний дизайн, эмх цэгцтэй байдал зэрэг үзүүлэлтүүд чухал үзүүлэлтүүд. харахад хүнд ойлгомжгүй нүд өвтгөмөөр байвал хэн ч сайшаахгүй нь лавтай. хүн болгон бараг шахуу майкрософт оппис ашигладаг байх тэгвэл опписын програм хангамжууд дээр бэлтгэсэн тэмплетүүдийг ашиглаж үзэх зүйн хэрэг байх. эдгээрээс үзэж цаашид бичиг баримт боловсруулах тал дээр тусган бизээ.

холбоос: http://office.microsoft.com/en-us/templates/

Төслийн менежмент

Өчигдөр USI компани дээр очиж төслийн менежментийн сургалтанд суулаа. Эхний өдрийн хичээлд очиж чадаагүй хоёр дахиас нь эхэлж очиж суусан минь өчигдөр байлаа. төслийн менежер байна гэдэг нэлээн ур чадвар, тэвчээр шаардах ажил юмаа. Гэхдээ мэдэж, сурч, чадаж л таараа гэж :). Гол итгэлцүүрүүдэд дараах зүйлүүд орж байна. Итгэл даах чадвар болон ухамсартай байх,Төлөвлөгөөт ажлын явцад хүний нөөц, төсөв болон бусад нөөцүүдэд зохицуулалт хийх, Багийнхандаа сургалт явуулах, Байнга өдөөгч байх, Маш сайн сонсогч байх, Би энэ төслийг хийж дуусгаж чадна гэсэн эрмэлзэлтэй байх /жич: Амжилтанд хүрэх гэл эрмэлзэл гэдэг номон дээрч энэ тухай бичсэн байсан амьдрал дээрч эрмэлзэл гэдэг зүйл маш чухал зүйл юм миний л бодлоор :)/, бусадтай байнга харьцаж байх(нягтлан, удирдлага, хамтран ажиллагсад), төсөлд шаардлагатай зүйлүүдийг шийдэж чаддаг байх ямар нэг аргаар, Бүтцийн өөрчлөлт зоригтой хийж чадах, байнга төслийнхөө үр дүнг бодож байх, бүх зүйлсийг review хийж байх гэх зүйлсүүд байх юм. Дээр нь амжилттай project management хийх 7 дүрэм, бас нураах 7 дүрэм байна.

Амжилттай хийх 7 дүрэм

1. Төслийн менежмент хийх хэрэгслүүдийг сайн судалж сурах
2. Шүүмжлүүлж чаддаг байх
3. Шинэ шинэ хандлагуудад нээлттэй байх
4. Цагаа зөв зохицуулах
5. Уулзалт цуглааныг сонирхолтой үр дүнтэй хийдэг байх
6. Шийдвэр гаргах чадвараа хөгжүүлэх
7. Байнга хөгжилтэй талаас нь хандаж сур ингэх нь таньд болон таны хамт олны эрүүл мэндэд сайн

Нураах 7 дүрэм /Дүрэм ч гэж дээ хэ хэ/

1. Ямар нэг асуудал гарах удаан шийдэх
2. Schedule ээ байнга өөрчлөх
3. MileStone-д хүрэхэд чанарыг харахгүй байх/MileStone - тестлэх цэг/
4. Төслийн менежментэд анхаарахгүй байх
5. Микро менежмент хийх
6. Шинэ багажуудыг ойр ойрхон хэрэглэх
7. Төслийн явцыг үргэлж хянахгүй MileStone дээр хянах

Амжилтанд хүрэх гал эрмэлзэл

Блогд нэгдсэнээс хойш блогоо идэвхжүүлж чадалгүй их удлаа. үүнээс хойш блогоо идэвхтэй байлганаа. Өнөөдөр нэг ном уншиж дуусгалаа. ЭМОС клубын орчуулсан KDDI компанийн захирал Инамори Казүогийн "Profit　Ambition　Sincerity　Strength　Innovation　Optimism　Never give up＝PASSION　" буюу " АМЖИЛТАНД ХҮРЭХ ГАЛ ЭРМЭЛЗЭЛ ". Надад их таалагдлаа. Ер нь үнэн юм их байна шүү. Уншаад үзэхэд илүүдэхгүй ном байна. Ер нь хүн амжилтанд хүрэхийн тулд Маш том амбицтай, Хүсэл мөрөөдөлдөө хүрнэ гэсэн 100 аас илүү хувиар итгэл төгс байх, Ихийг мөрөөдөх, Хөдөлмөрч гэх мэт зүйлүүдийг өөртөө шингээсэн байх ёстой гэж үзсэн байна. Амбиц гэдэг нь санаа зорилго гэдэг утгыг агуулдаг юм байна. Бас материалыг шатдаг,шатдаггүй, өөрөө шатдаг гэж ангилдаг бол хүнийг бас ингэж ангилж болно гэж үзсэн байна. энэ ч бас үнэн юмаа. Ямар нэг зүйлийг хийж бүтээхэд өөрөө шатдаг буюу санаачлан зүтгэдэг хүн, Чадварлаг ч бай чадварлаг ч биш бай шатдаггүй гэдэг бол юу ч бүтээдэггүй хүн, харин санаачлагатай хүмүүсийн дунд байхдаа хийх хүсэл зориг нь дэврэн гарч байдаг хүн буюу галын дэргэд байх үедээ л шатдаг. гэх мэт олон зүйлийг бичжээ. Аан тийм KDDI компани нь манай Мобиком корпорацийн хөрөнгө оруулагч юм байна.

Блогд нэгдэн оров.

Үүнээс хойш та бүхэнтэй мэддэг чаддаг бүхнээ хуваалцах болно.

Монгол орон минь үүрд мандан бадраг.